شاسئون ائلی نین حؤرمتلی شاعیری ابوالفضل پالیزبان تخللصو( سلیم خان)

دیر ،یارجانلی طایفاسیندان دیر ایندی قوم شهرینده اولار،بوده یرلی شاعیریمیز

دده تیلیم خان قورولتای لاریندا ایشتراک ائدیب وتیلیم خانی سئونلردن ساییلیر،نئچه

شعری وار آشاقیدا تقدیم اولونور،وبوشاعیریمیزه بویوک آللاه دان اوغورلار دیله ییریک

وشعرلری:

مندن سنه نصیحت اوغول

گل گل بالام مندن سنه نصیحت .. دونیانین اوز مین اؤیونو وار اوغول

تئزه گلینلر تک بزه در اوزون..آدامیم ایمانین آپارار اوغول

.......

چرخ فلک دولانیب دی دولانی .. هرعاشیقا وئریب بئش گون دورانی

آت دان سالدی هم سولطانی،هم خانی...شانلی آداملاری ائتدی خواراوغول

.......

بوقات دارا چکدی حاللاجلار باشین..کولونگونن یاردی فرهادلار قاشین

قاودی توتدو بابای امیرهمتاشین..اؤزویه گلگینن ای هاواراوغول

...

بیرگون دوران دوشسه الی یه اوغلوم..هئچ ائل - بشره ائیله مه ظولوم

اگرال قاوزایا آه چکه مظلوم..آخرت یئوی یی یاندیراراوغول

.....

سوزونوقورتاردی آتای خان سلیم..قولاقییدا ساخلابودئدیکلریم

سولیمان مولکو اولسا جمله منیم..بیرآپاردام اوچ آرشین چیلواراوغول

.........................

سولطان بی بی

خبرچاتدی سولطان کوچوبدی قوما... قاصدسوزونو ایناندیم آغلادیم

گئددیم گؤردوم بوش قویوبدو یوردونو...گؤزدولوخدو غوصا لاندیم آغلادیم

...........

سولطان بی بی نیله دیی داوارلاری..درری پننیرینی،ساری یاقلاری

گونبزلی داملاری ،اؤموطباخلاری..چوریکله ره هئی باخدیم آغلادیم

....

یادیندا اؤگئجه ییقیلدیک سیزه..قوروت دؤیدوی جناب سرهنگ عزیزه

ساری یاقدان حلوه بیشیردین بیزه..خوش گونلری یادا سالدیم آغلادیم

......

کوچ کوچ اولدوهرکس گئتدی بیر یانا..افروز قوما،مش غیبعلی تهرانا

سلیم خان دئر کندیم قالدی ویرانا...احمدآبادی دولاندیم آغلادیم

........

بیرده گرایلی شعری

......

بیزدن سیزه، سالام اولسـون

آشیق عــلی رمضانــــــــی

آشیقلارین ،کؤکبی ســـــــن

بی تئو سوزلرین مکانـــــی

...........

زیرؤ زبه ری بیلرســــــــن

لاب اوره ک دن ییریلارسن

چؤگورونن شادائیلر ســـــن

تامام ائلی ؤ طایفانـــــــــی

..........

آدین دئییلر هر یانـــــــــــدا

تورکییه ده ؤایرانـــــــــــــدا

عشق آبادؤگورجیستانـــــدا

دولانی مای ،آسییانــــــــی

.........

ای! ائلیمیز ایفتخـــــــاری

ای!فرهنگیمیزین یـــــاری

شوکرائیله رم کـــردیگاری

قابیل بیلدین پالیزبانــــــی

........

بیزی عجب یاد ائیله دین

محفیلیمیز شاد ائیله دین

شیرین ایختلات ائیله دین

خوشبخت ائتدین سلیم خانی

......................

ساوالی دده تیلیم خان

قوم،ساوا ،اراک، تهران،کرج،شهریار،بوئین زهرا،قزوین،همدان،آبگرم

رباط کریم،و...........بؤلگه لرینین.دده قورقودو

گئچن زامانلار کی دده تیلیم خان یاشایان زامان دیر،حکومت طرفیندن بیر یوز باشی

یامین باشی گونده رردیلر بولگه لرین مالیاتین ییقماقا ،ساوانین نوواران باخشی اؤ

زامانلار مزله قان بولگه سی ساییلارمیش.

بیرکیشی سیف الله خان (سیفی خان) آدلی یوزباشی دیر گلیب مزله قان بولگه سینین

مالیاتین ییقیب گونده ریر تهرانا (پایتخته)بیرگون گلیب مرغئی کندینه کدخدا ائوینده

قوناق دیر.کندده تؤی دیر ،وتؤی دا رسیم دیر گلین دده ائویندن چیخاندا گئدردی کندین

بویوگوُ،کی کدخودا دیر اونون ائوی قانشاریندا دایاناردی جاوانلار،قیزگلینلر بیر هالای توتاردیلار(اؤیناماق)

سورا گلینی آپاراردیلار بئی ائوینه. بوردا قیزگلین هالای توتوب کدخودا وسیفی خان

چیخدی لر تاماشا ائیله سینلر،سیفی خانین گؤزودوشدو مهری خانیما!مهری خانیم دا

تیلیم خانین عمی قیزیسی دیر،معشوقه سی دیر، دئییکلیسی دیر! آمما مهری خانیم

قارداشلاری ،تیلیم خانینان آرالارینا سوز دوشوب ،بیله گون دالیسیجه گزیردیلرکی مهری

خانیمی تیلیم خانا وئرمه سینلر! تا کدخودا بیرین گوندردی مهری خانیم قارداشلاری آردینا،قارداشلار

گلدیلر !دئدی: سیفی خان دولت آدامی دیر، مهری خانیمی ایسته ییر؟ دئدیلر: آللاه موبارک ایله سین کیمه

وئره جه ییک بوندان یاقچی اولا !سوزدانیشدیلار تئز گوندردیلر نوواراندان میرزه گلدی

کبین کسیلدی .تیلیم خان بیخبر نئچه گوندور ایشلرین بارلاییر گئده سورسات آلا گله

مهری خانیمی کبین ائیله یه! آمما بیلمه دی عمی اوغلانلار ،کدخوداایله ال اله وئریب  مهری

خانیمی وئریبلر سیفی خانا.

سیفی خانین نئچه غولامی، کنیزی، سربازی باشیندا آمما اولار مرغئی دن آشاقی کند ده

کی کردر اولا منزیل ائیله ییبلر.

سیفی خان مهری خانیمی نئچه قؤوملاری ایله گه تیریب کردره، بوردان گئده جک دیر کرگ آوا

دان(غرق آباد)آشاقی سیفی آباد کندینه.سیفی خان گئدیب!سرباز وغولاملاری،نوکر،کلفت،مهری خانیمی آپاراجک دیلر

تیلیم خان کبین کسمه یه گوره گلیب قوناقلارینا سورسات (شیرینی و...)آلماقا !هرشئی آلاجاقییدیر

آلدی ،بونا گوره کی تؤیلار پاییز چاقیندا اولاردی ،اؤز یانیندا فیکر ائیله دی کبین کسه رم !پاییز چاقی تؤی ائیله رم

ال اوستو بیر شئی لر آلدی! یولا دوشوب گئدیر مرغئی یه، گوردو بیر کروان یولونان گلیر،بیر کجاوه ده

ایچینده، یاووق اولدی ! آنلادی کجاوه ده اولمایا ؟ مهری خانیم دیر گلدی قانشاردان باخدی گوردو مهری دیر

عاشق،اولان اوزاقدان معشوقون ائیی ندن بیلر!مهری سسلندی عمی اوغلو: منده ایختیار یوخ لابود قسمت بیله ایمیش !

تیلیم خانین گؤزلر دولوب نئچه سوز گورک نئجه دئییر:

قصر - منققش دن بیر ماه - تابان

باخما ملول ملول اؤلدوردون منی

آپاردین عاقلیمی جنون ایله دین

دونیا عالملره گولدورد دون منی

........

تاپمارام عرض ائدم شهریاریمی

عشقین الدن آلدی ایختیاریمی

غم تالادی منیم یوخ ؤ واریمی

یاقچی داش دان داشا چالدیردون منی

........

سونانی اندیردیم چمنه - چایا

جمالین بنزتدیم گؤی ده کی آیا

قاشیی موژگانلارین گزله مه یایا

ووروب دلیک،دلیک دلدیردین منی

......

لبین مباحثه ائیلرلعلی نن

موژگانین باغریما چالدین الی نن

رنگ - قولوبومو بیر صیقلی نن

دئدیم الطاف ائتدین سیلدیردین منی

.......

گرکمزکی بیکس گویلوم تالانسین

خؤف ائیله مم یا اولدورسون،یادانسین

وئر لبلرین تیلیم امسین دادانسین

بیر آلماز قوزویدوم آلدیردون منی

تیلیم خان هرنه دیل ایله دئدی !مهری خانیم قولاق وئرمه دی ،نوکر،غولام،کنیزلر،سربازلار

دئدیلر بیزده بیر ایختیار یوخ ،گرک مهری خانیمی آپاراک سیفی آباد دا!تیلیم خان گنه بیله دئییر:

ساللانوبان گئدن دیلبر ... بیر یادا سال بلله منی

اؤوسونسوزشاهمارلارکیمی.... دؤن بیر دالی چاللا منی؟

....

آوازا سالدین سن کند ده.... امی دیم لبلرین قند ده

آیری سفرلره کوند دم .... سینه ی اوسته یوللا منی

.....

نئجه سورادان بیلمیشم ....بیرسوز دئییب دینمه میشم

ایندی عشقیندن سینمیشم..... شکسته یم بندله منی

.....

گوزل چوخدور دردؤغمیم ... دیده ام آخیرتما نمیم

آرزیم وار لبلرین امیم ...تانیگینان آنلا منی

...

امم بیر لبلرین ناشتا.... همی یای دا،همی قیش دا

تیلیمی گزدیردین باش دا... دئمه دین نیشانلا منی

تیلیم خان سوزلری تامام اولدی ،مهری خانیمی آپاردیلار.تیلیم خان گلدی کند ده داهی ترک - دونیا

ائیله دی قاپونو باغلادی اوزونه نئچه موددت هئچ کیم ایله گوروب دانیشماییب،آمما قدیم زامانلاردان

بویوک لر سوزودور:دئییر فوضول اؤلمه ییب ،اؤلمز،فوضول آدام واریدی نئچه گوندن بیر خبر سیفی خانا

آپاراردی !تیلیم هاراگئتدی،هاردان گلدی،نه ایش گورور و................

نئچه موددت گئچدی کندین بویوک لری ،آق ساققاللار ییقیلیب دئدیلر بیله کی اولماز!گوندردیلر قونشو کندلرین

بویوک لری ،آق ساققاللاری گلدیلر،تیلیم خانی گوردولر سوروشدولار نه اولوب؟ گؤی کی یئره گلمه ییب؟قسمت

بیله ایمیش.بیرآز دانیشاندان سورا عمی اوغلانلاری گه تیریب تیلیمی نن باریشدیردیلار!دئدیلر:عمی قیزی ایله

عمی قیزی دیر مهری گئدیب!آللاه ساخلاسین ترلان خانیمی !سن گل ایله ترلانی آل؟

بیلمه دیلر تیلیمین اوره یینده نه وار!دئدی: بولاردان منه چورک چیخماز سیز نه بیلیرسیز؟قولاق وئرین:

شیخ صنعان کیمی  ترسا سئومیشم

راستا یوللاریمی کج ائیله میشم

بیر ناخلف کس لره دوچار اولموشام

اؤزوم اؤز نفسیمه گوج ائیله میشم

.....

ضرر اولوب ایله دیگیم ائتدیگیم

کساد اولوب بازارلارا ساتدیگیم

الدن چیخیب تورآتدیگیم توتدیگیم

قؤودوقوم جیرانی نئجه ایله میشم

.....

بیر وافا گورمه دیم سولطاندان،خاندان

بیر تیکان چیخاردان اولمادی جاندان

قونشولاریم کوچوب اویان،بویاندان

آراداکی ائــــــــویم اوج ائیله میشم

.....

آللاه بیلر من نه پاکام عاری یم

نئجه بختی قارا شوم سیتاری یم

محنت املاکی نین من آبیاری یم

ده ریب غم خرمنین دج ائیله میشم

......

النمیشم یوز مین ،یوزمین الک دن

چیخمیشام من نئچه شطه کلک دن

خبرآلان اول سا چرخ - فلک دن

دئییر تیلیم خانا لج ائیله مــــــیشم

و.............آردی وار بو جمله دن:

شیراز سفری، خوراسان سفری،کربلا سفری

مذهبی قوشمالار، اؤیودلری، معراج نامه،قویون ایله مئو

(تاک)،یئر ایله گؤی،دشت- کربلا،اینسانین آتادان ،آنایا ودونیایه گلیب

وگئدمه سی،ننکرومنکرسوروشماسی،قبیر ائوی،و...............

علی ایسلامی (شاعیر) ساوانین نوواران بخشینده داغ کند ی آدینا اولان

کندده گونش ایلی 1330نجی ده دونیایا گؤز آچیب.

و ایندی قوم شهرینده ایله شیر.شاعیریمیزین تخللصی ( نسیم ) دیر

بو حؤرمتلی شاعیریمیز دده تیلیم خانین آلتینجی قورولتاییندا،گونش

ایلی 1388/4/25نجی ده

ایککی شعر اوخویوب دده تیلیم خان وصفینده واتحاف ائدیب

دده تیلیم خانی سئونلره.چؤخ تشککور

ائیله ییب وتانریدان بوسایین شاعیریمیزه جان ساغلیقی واوزون

عؤمور دیله ییریک.

قوربان اولوم تیلیم خانا من اوزوم .... شهریاردیر دیلیمده شیرین سوزوم

همتلی،غیرتلی زهتابی گؤزوم .... من جانیمی تورکه قوربان ائیله رم

هر مکاندا سوزوم تورکی سؤیله رم

بابک بابام بیزه بویوک نیشانا.... سمندینی مینیب گیریب میدانا

افتخار ائیله ریک بیز ستار خانا...بیزیم بویوک حکیم تیلیم واریمیز

اونون اوغلو گوزل شهریاریمیز

چئنلی بئلدن قوچ کوراوغلو باخیری.... آشیق جنون درده درمان یاخیری

باقیرخانین قانی یئره آخیری ... اوزوموز ،ائلیمیز تورک لره قوربان

آنامیز ایران دی باش اوسته قورآن

سیاسی یازمارام سوزوم عرفاندی ... وطنیمیز گوزل آنام ایران دی

داماریمدان آخان قیرمیزی قان دی .. وطنه قانیمی هئدیه ائیله رم

ایران ایچون یاخشی سوزلر سویله رم

کمالی یه آللاه رحمت ائیله سین ... امیری نین تانری اوجالتسین سسین

قوچچاق ایگید اولماسا ائل نیله سین...نسیم دئییر جانیم قوربان ائللره

یاز آچیلار ائللر باخار گوللره

...............................................................................

ایچینده اگلشن، جاوان قوجادی ... سندن اوتری ارزش تاپیب مرغئی

تانری سیندان خلق الله - گلیب مئی

دده تیلیم جاوانلارین ساغ اولسون ... گلگون داغی چای وچمن باغ اولسون

کؤرپه لرین قوی یاییلسین چاق اولسون ... منده گلیب اؤ باغلاری دولانام

شافاقلاردان سرین سو تک جالانام

اوشاقی کن آنام گیلیم توخوردی ... آتام منه تیلیم خاندان اوخوردی

کؤرپه لیگه بیزؤو اوزون سوخوردی...آمما ایندی تیلیم خانی تانیرام

نیسگیل اولوب گئچمیش گونه یانیرام

مرغئیین شافاقیندان اگیلدیم ....خلقینی شاد گؤردوم منده بیر گولدوم

مازاری یی پوزغون گوردوم دوگولدیم ... دئدیم دده تیلیم راحات یاتگینان

بو دونیانین داشین آلدن آتگینان

دده تیلیم داغلار دولو گول اولسون ... بولاغلارآغلاسین گؤللری دولسون

گول اوستونده اوخویان بولبول اولسون ... امیری نی آللاه بیزدن آلماسین

مرغئی یه یامان آدام گلمه سین

دده تیلیم گونلر بیر ،بیر گئچیری .... واختی چاتان فلک مئیین ایچی ری

قوجالاری ،جاوانلاردان سئچی ری ....هئچ بیر کیمسه شاد اولمادی دونیادان

قورتولمادی بو دونیادا بالادان

دده تیلیم دام ،داشی یی آلوب لار ..... کؤک دن ییخیب سؤندان گنه سالوب لار

نوه لرین بیر ،به بیر قوجالوب لار...یوخلاگینان ائللر داخی اؤیاخدی

خالقین دالی تانری سینا دایاخدی

دده تیلیم امیری بیر کان تاپیب .... بیر گول اوزلو مازاردا مرجان تاپیب

مرغئی ده حکیم تیلیم خان تاپیب ... تورک ؤفارسا وئریب دی بیر ائتحاد

هامو لیک وطنی ائیله یک آباد

دده تیلیم سهند ین داغی قاردی .... آرازچایی خاریلدار بی قراردی

چئنلی بئلده گور نه جارهاجاردی...گؤگه قالخیب کوراوغلونون نعره سی

ایلهام وئریر بابام بابک نفسی

دده تیلیم بولگه ام چاهراددی ساوا.... قجیرین داغیندان گوتوردوم هاوا

نسیم دئییر دردیمه یوخدو داوا ..... دردیمین داواسی مرغئی ده دی

تاپمیشام سئودامی تیلیم دده دی

دئمه لی ییک گولگون داغی!! مرغئی دن اوسته شاهزاده موسلم ایمامزاداسی بیر داغین اوستونده دیر

کی همان( گولگون) داغی دیر.چاهراد قاراقان بولگه سینده بیر کند دیر یانیندا بیر داغ وار (قجیر داغی)

قجیر داغی دئییرلر. ساغ یاشاسین بوتون شاعیرلریمیز

ائلیمیزین ،وطنیمیزین ده یرلی شاعیری

موهندیس عسگرغلیایی کلیان (یاشیل)

بو سایین شاعیریمیزین بیر شعرینی اؤز

وحؤرمتلی دوستلارا،ائل سئونلره،اتحاف

ائدیرم .

شاعیر اولدوم عؤموربؤیو،

اینسانلارا خیدمت ائـــــدم.

نفسیم وار کن چالیشیــب -

یازیقلارا حؤرمت ائــــدم.

..........

اوچام گؤیده ترلانلار لا،

قونام یورغون کروانلارلا

الی یالین اینسانلار لا،

شادلیغیمی قیسمت ائـــدم.

...........

کاسیبلاری سوراقلایام،

صداقتله قوجاقلایــــام،

مایوسلوغوآیاقلایــا م،

اومودلاردان صوحبت ائدم

..........

ائلدن آلام بصیرتی،

بلکه تاپام بوجوراتی،

یازام حاققی،حقیقتی،

دفتریمه زینت ائـدم.

اولو تانری دان سئویملی شاعیرو

بوتون ائل سئونلره داها آرتیق

باشاریلارواوغورلار دیله ییرم.

بوتون تیلیم شوناس عالیملر،عارفلر،شاعیرلر ،یازیچیلار،تدقیقاتچیلار،آشیقلار و

چالیجیلار،کنداهالی سی، عزیزاولکه میزین بولگه لریندن گله ن خالقیمیز اوجمله دن

همدان ،تبریز،اردبیل،ارومیه،میانا،شبستر، هشترود،قاراداغ،سراب،بستان آوا،خوی

قزوین ،اراک ،قوم ، شهریار، رباط کریم ، کرج ،تهران،رزن،آبگرم ،آوج،ساوجبولاغ

ایسلامشهر،بوئین زهرا، قاراقان ،زرند ،فراهان ، تفرش ،زنگان ،ایشتهارد،مردآباد

ساوا،نوواران،و.........بو قورلتایا ایشتراک ائتمیشدیلر.