ساوالےحکیم تیلیم خان
حؤرمتلے دیلداشلاریم ، ائلداشلاریم ! بو ده یرلے و افتخار،یارادان حکیم تیلیم خانین خانواده سے یعنے بؤیوک آتاسے ( قاراخان ) بئش قارداشیمیشلار تورکمان ائللریندن : کئیف خان ، خادیم خان ، سورمانشاه ، قاراخان ، دولو خان ، بیر اوبا ، اؤیماق وائل گلیب ساوا شهرینین نوواران بؤلوگونده اولان (سنگک،مره غئے)کندے (آسقین) مزرعه سینده ائو تیکیب وهابئله گونلرے کئچمک ده قاراخان آللاه تعالےنین کرَم درگاهیندان بیرجه اوغلان دیلک دیلر ، حاق تعالے نین کرَم قاپوسے همان ، واخت آچیقیمیش مَحَبّت له تیمور خانے عنایت ائیلر، ایل ایل دن ، آے آے دان ، گون گوندن گئچر تیمورخان سئومه لے سئودیگے ایله ائوله نیب ، عالمرے یارادان گؤزل آللاه نظرے ایله آناسے بؤیلو اولار و ه ، ق ۱۱۷۶نجے ایلده ، ه ، ش ۱۱۴۱نجے ایلده ، ویا ه ، ق ، ۱۱۷۱نجے ، ه ، ش ، ۱۱۳۶نجےایلده دوققوز آے ، دوققوزگون ، و دوققوز ساعات دان سورا تیلیم خان بودونیایه گؤز آچار ، دئمه لے یم بعضےحؤرمتلے دیلداشلاریمز مجازےفضالاردا یازیرلارحکیم تیلیم خانے ائل باغدادےشسوَنلریندن دیر ! بوناگؤره بؤیوک ، ده یرلے و تورک دونیاسیندا فخر یارادان دده تیلیم خانے بیله تانیددیریب وعرض ائدیرم : اصلیندن ونسلیندن تورک دور و منزل ، مکان و مأواسے اوستان مرکزے ، ساوه شهرے ، نوواران بؤلگه سینده اولان گؤزل ، عاطفه لے ، محبّت لے ، قوناق سئون ، مره غئے کندے دیر
کندیمیز مره غئے ، شهریمیز ساوا
مزله قان چاییدان گؤتوردوم هاوا
عاشیقـــلار دردینــه ائیلرم داوا
طبیبم من هیندوستان گلیـــرم
